Martin-a leh Pathian

Kan naupan laia ka pi thawnthu min hrilh thin

MARTIN-A THAWNTHU

Hmanlai Tonga ram luipui kam khaw pakhat ah chuan Pathian mi leh a thuawih tak mai Martina an tih chu a awm a,nupui leh fapa pakhat a nei a. Pathian an ring em em a, mi rethei leh harsate an tanpui thin a. Vanduaithlak takin a nupui leh a fapa chuan an thihsan ta tlat mai a, a rilru a hrehawmin a lungngai hle thin a. Mahse nitin Bible nen inkawmin a tawngtai nasa hle thin mai a. Lalpa a rinna chu a hrehawmna vang chuan a phatsan chuanglo, mirethei a tanpuina pawh a chawl chuang lova, a chungah Lalpa a lawmin a ti lungawi em em a ni. Ni khat chu Bible chhiara hun a hman lai chuan khaw thim hlimah a hnung lamah chuan aw a hre ta a…

Marka Zai

Kraws-a Isua Thusawi Pasarih Chanchintha Ziak Atanga Kan Hmuhte

1)       “Ka Pa, anni hi ngaidam rawh; an thiltih hi an hre lo a nih hi,” (Luka 23:34)

Amah khengbettu Rom Sipai leh mipuite tan Lal Isuan ngaihdam a dilsak a ni. Lal Isuan amah khengbettu te a ngaihdam thu kan hmu a ni.

2)       “Tih tak meuhvin ka hrilh a che, vawiinah hian ka hnenah Paradis-ah i awm ve ang,” (Luka 23:43)

He thu hi Lal Isuan a bula khenbeh ve misual pakhat zawk hnena a sawi a ni. Pakhat zawkin Lal Isua chu Messia anih tak tak chuan amah inti dama anni pawh tidam turin a chhuahchhal a, mahse pakhat zawk chuan anni chu tuar zia reng an nihzia leh Isua chu sualna neilo anih thu sawiin, a ram a thlen huna amah hre reng turin a ngen a, he thu hian Lal Isuan alo chhang ani. Misual thi mai tur chu Lal Isua rualin chhandamin a awm ta a ni.

3)       Tin, Isuan a nu leh a zirtir a hmangaih kha a kianga ding a hmu a, a nu hnenah,“Hmeichhia, en teh, i fapa kha!” a ti a. Tin, zirtir hnenah chuan, “En teh, i nu kha!” a ti a. (Johana 19:26-27)

Heng thu hi Lal Isuan a hmangaihte a nu leh a zirtir hnena a sawi a ni. Lal Isua hrilh angin zirtir chuan a nu chu a in ah a hruai haw a, nufa an lo ni ta a, pumkhat an lo ni ta a ni. Lal Isuan amah hmangaihtute chu inhmangaih tawna pumkhat ni turin min duh tih a entir a ni.

4)        “Eloi, Eloi, lama sabakthani?” (Ka Pathian, ka Pathian, engah nge mi kalsan?) (Matthaia 27:46) (Marka 15:34)

He thu Lal Isuan a sawi hian Pathianin a ensana a kalsan tawh zia a lang a ni. Khawvel sual zawng zawng phurtu chu Pa meuh pawn a kalsan ta si. Kan aiawha Kraws-a khenbeh anih ang ngeiin misual chan a chang taa Pathian pawn a kalsan ta hrih a ni.

5)        “Ka tui a hal e,” a ti a. (Johana 19:28)

Lal Isua kraws-a khenbeh anih tur thu leh a tawrhna tur zawng zawng kha Pathian lehkha thuin a sawi lawk veka, chung thu chu a vawrtawp a rawn thleng mek ani tih Isuan a hria a, “Ka tui a hal e” atih khan chung lehkha thu chu a thleng kim ta a ni.

6)        “A kin ta” (Johana 19:30)

Isuan “Ka tui a hal e” atih khan Uaiin thur an intir a, “A kin ta” a tia a chatthla ta tih kan hria a. A kin ta a tih hian a tawp ta, ka tih tur ka hlen zo ta a tihna a ni. Khawvel chhandam nan Lal Isua chu a thi taa, ropui takin hnehna a chang ta ani.

7)        “Ka Pa, i kutah ka thlarau ka kawltir e. (Luka 23:46)

Pathianin a fapa a kalsan tawha, he thu Lal Isuan a sawi khan a Pa kutah a let leh taa, a Pa nen an inzawm leh ta tihna a ni. Leia a thawh tur zawng zawng a thawk zo tawha, a Pa hnenah a kir leh ta a ni.