Martin-a leh Pathian

Kan naupan laia ka pi thawnthu min hrilh thin

MARTIN-A THAWNTHU

Hmanlai Tonga ram luipui kam khaw pakhat ah chuan Pathian mi leh a thuawih tak mai Martina an tih chu a awm a,nupui leh fapa pakhat a nei a. Pathian an ring em em a, mi rethei leh harsate an tanpui thin a. Vanduaithlak takin a nupui leh a fapa chuan an thihsan ta tlat mai a, a rilru a hrehawmin a lungngai hle thin a. Mahse nitin Bible nen inkawmin a tawngtai nasa hle thin mai a. Lalpa a rinna chu a hrehawmna vang chuan a phatsan chuanglo, mirethei a tanpuina pawh a chawl chuang lova, a chungah Lalpa a lawmin a ti lungawi em em a ni. Ni khat chu Bible chhiara hun a hman lai chuan khaw thim hlimah a hnung lamah chuan aw a hre ta a…

Pathian            :           Martin Martin

Martin             :           (Lehhawi pahin) Tunge ni?

Pathian            :           Martin

Martin             :           Tunge ni?

                                    ( tumah a hmu bawk si lo a)

Pathian            :           Martin Martin

Martin             :           Tunge I nih, khawnge I awm

Pathian            :           A chanchin I chhiar lai mek, thutiam thar petu che ka ni.

Martin             :           (Phawk takin) Nangmah maw ni a Lalpa, enge ni ta?

Pathian            :           Thutiam thar ka pek che u hi, inhmangaih ula ti tu ka ni. I thinlungah

                                    thlarau in ka pawl thin che a, hlim takin I awm thin a, naktukah chuan

                                    taksa in ka rawn inlar dawn, mi lo hmu ang.

Martin              :          Ka hnenah I lo inlar ang maw Lalpa? Lo kal ngei ngei ang che aw, ka lo nghak reng che. ( Ama hriat phak lek chuan) E, Lalpa meuh a lo inlar dawn sia, zanin chu mu hma viau teh ang. Naktuk ah Lalpa lo kal chu ka hmuak dawn si a ka hmu hman lo dah ange, zing tak atangin ka lo chang ange, ka va nghakhlel tawh tak em. (Hlim tak chuan mut zai chu a rel ta a, tui takin a muhil ta a)

Zingah chuan a tho a Lalpa lo kal tur chu a lo thlir reng a. Khaw vawt em em thli thaw vuk vuk karah chuan nu pakhat naute piang hlim pua hi a lo kal a, puan tuamna a nei lo a, puan chhe te hian a rawn khuh teng teng a,Martina chuan a khawngaih em em a.

Martin             :           Ka pi, khua a vawt hle si a, naute khan vawt a ti viau ang a

Nu naupua       :           Nu rethei tak ka ni a, ka naute sin lum tir tur puan pawh ka nei si lo a

Martin             :           A ni maw, kha ka puan hi ka pe mai ang che, vawt a ti dawn em mai.

Nu naupua       :           Ka van lawm awm ve ka pu, min pe phal tak tak ang maw? I duhlai a ni

                                    awm si a.

  

Martin             :           E, phal tak tak e a, kha la la sinpui rawh.

Nu naupua       :           Anih leh ka pu ka lawm lutuk aw, ka lawm takzet ani.( Lawm em em

                                    chuan a kal liam ta a)

                       

Reilote ah chuan Putar tak mai hi chaw ei tur pawh neilo riltam em em mai hian chau tak maiin a varandah ah chuan a lo thu chawl a, a thlan tuiin a leih bawrh bawrh a

Martin             :           Ka pu engtizia nge? I va chauh hmel ve, I hmel te chu a dang vek

                                    alawm.

Putar               :           Nimin atangin chaw ka ei tawh lo.

Martin             :           Engtizia nge ka pu chutia chaw ei lo a I awm reng mai le?

Putar               :           Pawisa pakhat mah ka neilo a, ei tur leina tur pawh ka neilo a ni.

                                      Ka chhungte hnen ka pan dawn a,Ka ril a tam tawh takzet a ni.

Martin             :           E, ka pu, lo kal rawh ei tur ka lo pe ang che ( A inah chuan a hruai lut a,

                                    Thingpui leh chhang te, chaw leh sa a eitur neih ang ang te chu a lo

                                    hlui a).

Putar               :           Ka lawm hle mai, ka chunga I thatna ah ka lawm takzet ani.

                                    Heti chuan ka chhungte in chu ka thleng thei tawh ang.

Martin             :           Chawl rih la I duh leh ka pu, naktuk lamah I chhungte in chu pan mai

                                    ta che, I chau viau lo ang maw?

Putar               :           Ka puar ta bawk a, ka chau tawh vaklo e, ka kal nghal zawk mai ange,

                                    I chungah Ka lawm takzet a ni.

Martin             :           Anih leh le ka pu, tluang takin kal ang che aw..

Putar               :           Awle, Lalpan malsawm che rawh se. (Lawm tak chuang chuan a kal ta

                                    a)

Reilote ah bazar atanga lo kal naupang pakhat hi nu pakhat hian a rawn um a a vaw zawt zawt a, a tap tuar tuar a Martina chu sa him  nan a pan a.

Martin             :           Enga tinge? Enga tinge? Khatia in in vuak vak vak mai le? Eng thil nge a                            a tihsual a?

Nu pakhat        :           Naupang sual, zaktheilo lutuk! Ka chhang zawrh lai a lo ei ru anih hi.

Martin             :           (Naupang melh chung chuan) I lo ei sak em ni mama? Mi chhang

                                    zawrh lai te tinge I ei ruk mai le?

Naupang          :           (Tap pur chungin) Ka ril a tam lutuk a, leina tur ka nei si lo a ( A inhnit

                                    hlawp hlawp a)

Martin             :           Anih ka pi, eng zat man nge ni a chhang ei chu? ka lo pek sak mai 

                                    ange.A ril a tam ngang anih hi.

Nu pakhat        :           Cheng 10 man a ni e.

Martin             :           (Pawisa pek pah chuan) Kha le, ngaidam mai ang che, kalsan tawh

                                    rawh.

Naupang          :           Ka pu ka lawm e aw.

Martin             :           Awle, tun chinah chuan mi thil zawrh lai chu ei ruk tawh loh tur aw

Naupang          :           Awle ka pu, ka ei ru tawh ngai lo ang, I chungah ka lawm takzet.

Martin             :           kal tawh rawh le, in in lamah va haw tawh rawh le.

Naupang chu lawm tak chuan a kal bo ve leh ta a, khua chu a lo thim ta a…

Martin             :           Vawiin nilengin Lalpa chu ka thlir a ka hmu si lo a, nizana ka lo kal

                                    dawn titu kha Lalpa chu a ni lo em ni aw

Chutia a nghawnga kutsuih meuha a inngaihtuah lai chuan a hnung lam chu a rawn enga, a lehhawi a, aw a hre leh ta a…..

Pathian            :           Martin Martin, vawin khan kawtthlerah ka lo kal kha mi lo hmu em?

Martin             :           Ka hun zawng zawng nangmah hmuah nan ka hmang a, mahse Lalpa

                                    ka hmu hauh lo che.

Pathian            :           Vawiin khan  vawi thum lai ka lo tlawh che ani Martin.

Martin             :           Mahse Lalpa ka va hmu si lo che ve, engtik lai khan nge I lo kal a?

Pathian            :           Vawiin a I tanpui mi pathum te kha keimah ka ni. eitur tlachham te

                                    eitur I pe a, puan sin tur neilote puan I sin tir a, khang zawng zawng

                                    kha ka chunga ti I ni, chuvangin I lawmman chu a bo tawp lo ang.